KAMSANG ZUAUTHEITE(ZUAU THUHILH SIATE - REV.DR.DO SUAN MUNG (D.D)
KAMSANG ZUAUTHEITE(ZUAU THUHILH SIATE) (1JOHN 4:1; 2 PETER1&2)
REV.DR.DO SUAN MUNG (D.D)
Zogam ah khakhanlawhna a om cil lai in thusuak nei(kamsang) kici khat zingtung in a vengpa kiangah hawh in,”Tuzan Topan hong hopih in na vengpa inn ngen leteh hong pia ding hi,hong ci; ci-a agen leh avengpa zong na hai tuansam loin,”Kei zong tuzan mah Pasian in hong hopih in,”Zingsang teh na vengpa in na inn hong ngen in cin pia peuhmah kei in, hong ci,” ci-in dawngkik hi. Tuhun mahmah in zong amau lungsim ua om khat ‘Pasian hong sawl hi, thusuak ngah ing,’ ci-a gen gen pawl om lai hi. Lawmta li leh nga kikhawl lakah khat pa adeih phat loh uh ciangin ‘Thusuak ngah ingin lawm nang na ciah ta o,’ peuh a kici thei dan ahi hi. Kamsang pen Greek pau in “Propheteo” hi-a mangkam a “Prophet”hong pianna kammal a hi hi. Akhiatna pen “Amai ah gen” cihna hi. Tua ahih ciangin Laisiangtho in “Kamsangin thu gen hi” acih ciangin mipi mai a thugenna(Thuhilhna) lah hithei in mailam thupiang ding genkholhna zong hithei hi. Kamsangte in athugen ding uh Pasian kiang pan ngah in mipite gensawn uh hi. Tanglai in Pasian in lam tuamtuam tawh thu hong gen a, a nunungpen in a Tapa tawh thu a kicingin hong gen hi(Heb 1:1-2). Zeisu thu kigelhna Laisiangtho thak a kicin ciangin kamsanna beita a, i kamsanna pen Laisiangtho bu ahi hi. Pasian in hong gennop khempeuh Laisiangtho sungah kicing takin hong gen zo hi. Tuni in Pasian kiangpan thu i zaknop leh Laisiangtho sim ding ahi hi. Laisiangtho sungah kamsang maan a om mah hangin kamsangzuauthei zong om den hi. Adiakdiak in Babylon saltan ma in kamsang zuauthei tampi om a, tua te in zuauphuak in mipite hai lungmuangsak uh hi. Hih kamsangte tawh kisai Ezekiel 13:1-10 leh Jeremiah 23:16,21,25-28,32 te ah kicing takin kigen hi(Hih Laisiangtho munte sim hamtang in). Laisiangtho thak ah zong kamsang zuauthei pawlkhat om hi. Paphos kua a Bar-Jesus, Elymas te kamsang zuauthei ahi uh hi(Sawltak 13:6-12).Pawlpi taangthu i et ciangin zong kamsang zuau pawlkhat om i. AD 200 pawl in Montanus kicipa in, ‘kei khangin Topa Zeisu hong paikik ding a ka pianna khua ahi Papuza khua ah hong kumsuk ding hi. Tua ciangin kei zaalianpi in hong koih ding hi,’ ci-in gen hi. Hihpa numei nih tawh kithuah in upna maanlo gen uh hi. Tuiphum pawlpi sia khat ahi William Miller in,’ March 21,1843 ni in Topa Zeisu hong pai ding hi,’ci-in apawl teng tawh dawn uh hi. Ama gen banga apian loh ciangin,’1844 kum ding na hizaw mawk ei,’ci-in kithawipha leuleu uh hi. 1844 kumin Topa Zeisu apai tuanloh teh,’ Vantunga siangthopen mun a lut kum na hizaw mawk ei,’cih tawh melh uh hi. Hih pa leh a dang pawlkhat tungtawn in Seventh-Day Adventists(SDA) pawlpi hong piangkhia hi. SDA pawlpi sung ah Elen G. White kici numei kamsang khat om a tuanu laigelhte Laisiangtho zahmah in pikoih uh hi. Mormon pawlpi a phuankhiapa Joseph Smith zong a mite in kamsangin tuat uh a, a laibu gelhte Mormon te in Laisiangtho tawh kikim in sang uh hi. Kum zalom 20 bang hong tun ciangin limsang upna(Pentecostal/Charismatic) hong piangkhia in ‘Kha siangtho letsong khempeuh om lai hi, cih upna hong let uh ciangin kamtuampauna,kamsan na(thusuak),nalamdang bawltheihna cihte hong laang mahmah hi. Mi khempeuh phial kamsang(thusuak nei) hong hi in, ei Zomite bang leitungah kamsang ahau mawhlo pawl hikha ding hi hang. Lungsim a om bangbang, ‘Pasian’ hong sawl’ ci ziauziau in thu kigen in kigamta hi. Ngaihsut theihna nei mikhat i gamtat ding a kilawmlo pipi in kigamta a, thusuak neihna in Zomite mihai lomtang hong suaksak khin phial hi. Kamsang zuauthei tawh kisai Peter in ama laikhak nihna alian khatna leh a liannihna(2 Peter 1&2) ah na gen a tuate tawh kisai kikum ding hi hang.
AMASAPEN IN KAMSANG ZUAUTHEITE THUSUAK NGAHNA MUN A TUAMPI
(DIFFERENT SOURCE) AHI HI.
Kamsang maante in Pasian kiangpan thu ngah hi. Tuni in i thungahna mun pen Pasian kammal Laisiangtho ahi hi. Kamsang zuauthei thusuak te ngahna pen a mau lungsim pan ahi hi. Amau lungsim pana aphuahtawm uh ahi hi(2:3). A lungsim ua a lunggulh teng peuh uh ka thusuak ci uh hi. Pawlkhat bangin Aizawl hauhna Tedim hong tungta, Phakant a suangmanphate Thangmual tungta, Hiangzing suk tengah Taihinn that 50,60 vive kiciangsuk, peuh ci engang pongmawk uh hi. Hite pen gam leh lei a ding deihsakna hi-a athu bang sia lo hi. Ahi zongin, tua banga mang mu,thusuak ngah cih pongmawk pen lungsim a lunggulhna khat gen khiatna hizaw hi. Pawlkhatte thusuak pen haivai leh kihhuai mai hi. Pulpit tunga kipua ngeingai ding, ippi sungah kiguang dingin khuasung tengah kilungkhuk ding, puansuahsa a numei pasal laamkhawm ding cih peuh himawk hi. Lungsim ciim mello pawlkhat in hih bangthu haivaite um sawnsawn uh hi. Tua banga zuau thugente in a khem ciangin neilo pipi in suaikhi peuh pia uh hi. Vok tuk nganga peuh go uh hi. Hihmite pen zuauphuakte ci-in Ezekiel in gen hi(13:8). A thugen khempeuh uh zuauthu leh a phuahtawm thu vive uh ahi hi. Khat veivei dawi kiangpan in zong thusuak ngah thei uh hi. tua hun ciangin amau phuahtawmte sangin uptaakzaw ding a, agen bangun zong piangin, nalamdang nangawn piang ding hi. Tuhun a izak thusuak te, sawlnate bel phuahtawm hilua mahmah ahih manin haivai lel a, zong uptaak beek lo hi.
ANIHNA AH, HIH KAMSANGTE ZUAUTHEITE THUGEN A TUAMPI
Zogam ah khakhanlawhna a om cil lai in thusuak nei(kamsang) kici khat zingtung in a vengpa kiangah hawh in,”Tuzan Topan hong hopih in na vengpa inn ngen leteh hong pia ding hi,hong ci; ci-a agen leh avengpa zong na hai tuansam loin,”Kei zong tuzan mah Pasian in hong hopih in,”Zingsang teh na vengpa in na inn hong ngen in cin pia peuhmah kei in, hong ci,” ci-in dawngkik hi. Tuhun mahmah in zong amau lungsim ua om khat ‘Pasian hong sawl hi, thusuak ngah ing,’ ci-a gen gen pawl om lai hi. Lawmta li leh nga kikhawl lakah khat pa adeih phat loh uh ciangin ‘Thusuak ngah ingin lawm nang na ciah ta o,’ peuh a kici thei dan ahi hi. Kamsang pen Greek pau in “Propheteo” hi-a mangkam a “Prophet”hong pianna kammal a hi hi. Akhiatna pen “Amai ah gen” cihna hi. Tua ahih ciangin Laisiangtho in “Kamsangin thu gen hi” acih ciangin mipi mai a thugenna(Thuhilhna) lah hithei in mailam thupiang ding genkholhna zong hithei hi. Kamsangte in athugen ding uh Pasian kiang pan ngah in mipite gensawn uh hi. Tanglai in Pasian in lam tuamtuam tawh thu hong gen a, a nunungpen in a Tapa tawh thu a kicingin hong gen hi(Heb 1:1-2). Zeisu thu kigelhna Laisiangtho thak a kicin ciangin kamsanna beita a, i kamsanna pen Laisiangtho bu ahi hi. Pasian in hong gennop khempeuh Laisiangtho sungah kicing takin hong gen zo hi. Tuni in Pasian kiangpan thu i zaknop leh Laisiangtho sim ding ahi hi. Laisiangtho sungah kamsang maan a om mah hangin kamsangzuauthei zong om den hi. Adiakdiak in Babylon saltan ma in kamsang zuauthei tampi om a, tua te in zuauphuak in mipite hai lungmuangsak uh hi. Hih kamsangte tawh kisai Ezekiel 13:1-10 leh Jeremiah 23:16,21,25-28,32 te ah kicing takin kigen hi(Hih Laisiangtho munte sim hamtang in). Laisiangtho thak ah zong kamsang zuauthei pawlkhat om hi. Paphos kua a Bar-Jesus, Elymas te kamsang zuauthei ahi uh hi(Sawltak 13:6-12).Pawlpi taangthu i et ciangin zong kamsang zuau pawlkhat om i. AD 200 pawl in Montanus kicipa in, ‘kei khangin Topa Zeisu hong paikik ding a ka pianna khua ahi Papuza khua ah hong kumsuk ding hi. Tua ciangin kei zaalianpi in hong koih ding hi,’ ci-in gen hi. Hihpa numei nih tawh kithuah in upna maanlo gen uh hi. Tuiphum pawlpi sia khat ahi William Miller in,’ March 21,1843 ni in Topa Zeisu hong pai ding hi,’ci-in apawl teng tawh dawn uh hi. Ama gen banga apian loh ciangin,’1844 kum ding na hizaw mawk ei,’ci-in kithawipha leuleu uh hi. 1844 kumin Topa Zeisu apai tuanloh teh,’ Vantunga siangthopen mun a lut kum na hizaw mawk ei,’cih tawh melh uh hi. Hih pa leh a dang pawlkhat tungtawn in Seventh-Day Adventists(SDA) pawlpi hong piangkhia hi. SDA pawlpi sung ah Elen G. White kici numei kamsang khat om a tuanu laigelhte Laisiangtho zahmah in pikoih uh hi. Mormon pawlpi a phuankhiapa Joseph Smith zong a mite in kamsangin tuat uh a, a laibu gelhte Mormon te in Laisiangtho tawh kikim in sang uh hi. Kum zalom 20 bang hong tun ciangin limsang upna(Pentecostal/Charismatic) hong piangkhia in ‘Kha siangtho letsong khempeuh om lai hi, cih upna hong let uh ciangin kamtuampauna,kamsan na(thusuak),nalamdang bawltheihna cihte hong laang mahmah hi. Mi khempeuh phial kamsang(thusuak nei) hong hi in, ei Zomite bang leitungah kamsang ahau mawhlo pawl hikha ding hi hang. Lungsim a om bangbang, ‘Pasian’ hong sawl’ ci ziauziau in thu kigen in kigamta hi. Ngaihsut theihna nei mikhat i gamtat ding a kilawmlo pipi in kigamta a, thusuak neihna in Zomite mihai lomtang hong suaksak khin phial hi. Kamsang zuauthei tawh kisai Peter in ama laikhak nihna alian khatna leh a liannihna(2 Peter 1&2) ah na gen a tuate tawh kisai kikum ding hi hang.
AMASAPEN IN KAMSANG ZUAUTHEITE THUSUAK NGAHNA MUN A TUAMPI
(DIFFERENT SOURCE) AHI HI.
Kamsang maante in Pasian kiangpan thu ngah hi. Tuni in i thungahna mun pen Pasian kammal Laisiangtho ahi hi. Kamsang zuauthei thusuak te ngahna pen a mau lungsim pan ahi hi. Amau lungsim pana aphuahtawm uh ahi hi(2:3). A lungsim ua a lunggulh teng peuh uh ka thusuak ci uh hi. Pawlkhat bangin Aizawl hauhna Tedim hong tungta, Phakant a suangmanphate Thangmual tungta, Hiangzing suk tengah Taihinn that 50,60 vive kiciangsuk, peuh ci engang pongmawk uh hi. Hite pen gam leh lei a ding deihsakna hi-a athu bang sia lo hi. Ahi zongin, tua banga mang mu,thusuak ngah cih pongmawk pen lungsim a lunggulhna khat gen khiatna hizaw hi. Pawlkhatte thusuak pen haivai leh kihhuai mai hi. Pulpit tunga kipua ngeingai ding, ippi sungah kiguang dingin khuasung tengah kilungkhuk ding, puansuahsa a numei pasal laamkhawm ding cih peuh himawk hi. Lungsim ciim mello pawlkhat in hih bangthu haivaite um sawnsawn uh hi. Tua banga zuau thugente in a khem ciangin neilo pipi in suaikhi peuh pia uh hi. Vok tuk nganga peuh go uh hi. Hihmite pen zuauphuakte ci-in Ezekiel in gen hi(13:8). A thugen khempeuh uh zuauthu leh a phuahtawm thu vive uh ahi hi. Khat veivei dawi kiangpan in zong thusuak ngah thei uh hi. tua hun ciangin amau phuahtawmte sangin uptaakzaw ding a, agen bangun zong piangin, nalamdang nangawn piang ding hi. Tuhun a izak thusuak te, sawlnate bel phuahtawm hilua mahmah ahih manin haivai lel a, zong uptaak beek lo hi.
ANIHNA AH, HIH KAMSANGTE ZUAUTHEITE THUGEN A TUAMPI
(DIFFERENT MESSAGE) A HI HI.
Thumaan gente in gupna thu laigil leh Pasian sutna ding thute gen hi(Gal 1;2 Peter 1:3). Thuzuau gente in ahih leh hong siasak thei upna maanlo(Destructive heresy) gen uh hi(2 Peter 2:1). Gupna thugen a, a kineih uh ciangin Zeisu up ding leh thukham zuihkhop ding, Zeisu min tawh tui kiphum ding, kamtuam pau ding, i pianthakna nalamdang khat tawh kilangkhia ding(Power Evangelism) cih bangin gupna thu laigil tui tawh hel uh hi. Pasian hehpih na hangin Zeisu upna lian bek tawh gupna kingah cih thu genlo uh hi. Tuhun deuhdeuh ciangin gospel pai, crusade bawl cipong in gupna thu peuhmah kigen khalo hi. Hauh ding, dam ding bek peuh gen in kinei hi. Anuam lampang bek gen in ahaksa gen lo uh hi. Ngah ding bek gen in piak ding gen lo uh hi. ‘Hih bang zuau thugen te mi huaihampi hi a, mipite bekzonna nei uh hi,’ci-in Peter in gen giap hi(2:3). Hih pen maan mahmah hi. ‘Upna khaici tuh un’ ci-in mipite piakhiasak ziahziah uh-a mau tua teng luakin apiate ahih leh azawn ngei in zawng uh hi. Tuhun ciangin crusade khatbawl man sum ‘thein’ tuazah cih pianin aman bang kineisak hileh kilawm hi. Mun khatkhat te bangah vanzuak vanlei bangin ki deek bawl keei uh hih tuak hi. Zuauthugente in gupna thumaan gen lo uh hi.
ATHUMNA AH, KAMSANG ZUAUTHEITE( ZUAU THUGENTE) NUNTAKZIA A TUAMPI(DIFFERENT CHARACTER)AHI HI.
Thuum taktakte nuntakzia pen upna, hoihna,pilna ciimna, pumpi kikhaalna, thuakzawhna, Pasian sutna, ki-it kikhualna tawh ki lang hi(1:5). Zuau thugen te ahih leh kiphatsakna in midangte neu-et uh hi. Amau up bang, a mau gamtat banga gamta lote piangthak lo, khamilo peuh ci-in neu et in gensia mawkmawk uh hi. A lungsim uh kihhuai in paktat nopna lungsim tawh kidim hi. Leitung mun tuamtuam ah ahi zongin, ei kiang nai ahi zongin, hih bang thugente numei pasal vai ah thanghuai nuam thei mahmah uh hi. Tua banah, leitung ci leh sa tawh kisai thute thupi sa in kha thupi koih lo uh hi. Pasian thupha pen sum leh paai, inn leh lo, kham leh ngun bek tawh teh uh hi. Tuma kum tampi lai a numei vai a minsia Jim Bakker bangin a ui-buuk ah aircon thuah helzen hi. Benny Hinn bang khual azin ciangin zankhat $15000 aman Hotel hoih mahmah te bek ah tung hi. A nuntakzia ngiat uh kineihna, kisialhna(Flamboyant) tam lua mahmah hi.
ALINA AH, KAMSANG ZUAUTHEITE MI ZOLZIA ATUAMPI(DIFFERENT APPEAL)AHI HI.
Thumaan gente in a kip akho kamsangte gen Pasian kammal tawh mizol hi(1:19). Thuzuau gente in ahawmpi, ci leh sa lunggulhna tungtawnin mizol uh hi(2:18). Tukum sunga taihinn lam nuam teng, mawtaw lei nuam teng cih peuh tawh mizol uh hi. Peter in kisialhna tawh thugen cilai hi. Apiang lo pipi ‘tua khua ah cina tuazah damsak ung, tua bang nalamdang sem ung’ peuh ci mawkmawk uh hi. Paul in hih mite thugen pen thumaan thutak hi loin bilthak khoihna hi na ci hi(2 Tim 2:5). Paul mah in hih mite in agilpi ua ding azonna in kam khumtawh mizol uh hi ci hi( Rom 16:18). Thugen siam in dangnal mahmah uh a, mite nuisak ziahziah uh hi. Khathu lunggulh lua lote in tua bangmite thugen zaknopsa in a nung zui uh hi. A biakpiaknate uh Pasian biakna tawh kibang lo in pawi bawlna, gualnop na peuh tawh kibang zaw hi.
ANGANA AH, ZUAU THUGENTE GAH A TUAMPI
Thumaan gente in gupna thu laigil leh Pasian sutna ding thute gen hi(Gal 1;2 Peter 1:3). Thuzuau gente in ahih leh hong siasak thei upna maanlo(Destructive heresy) gen uh hi(2 Peter 2:1). Gupna thugen a, a kineih uh ciangin Zeisu up ding leh thukham zuihkhop ding, Zeisu min tawh tui kiphum ding, kamtuam pau ding, i pianthakna nalamdang khat tawh kilangkhia ding(Power Evangelism) cih bangin gupna thu laigil tui tawh hel uh hi. Pasian hehpih na hangin Zeisu upna lian bek tawh gupna kingah cih thu genlo uh hi. Tuhun deuhdeuh ciangin gospel pai, crusade bawl cipong in gupna thu peuhmah kigen khalo hi. Hauh ding, dam ding bek peuh gen in kinei hi. Anuam lampang bek gen in ahaksa gen lo uh hi. Ngah ding bek gen in piak ding gen lo uh hi. ‘Hih bang zuau thugen te mi huaihampi hi a, mipite bekzonna nei uh hi,’ci-in Peter in gen giap hi(2:3). Hih pen maan mahmah hi. ‘Upna khaici tuh un’ ci-in mipite piakhiasak ziahziah uh-a mau tua teng luakin apiate ahih leh azawn ngei in zawng uh hi. Tuhun ciangin crusade khatbawl man sum ‘thein’ tuazah cih pianin aman bang kineisak hileh kilawm hi. Mun khatkhat te bangah vanzuak vanlei bangin ki deek bawl keei uh hih tuak hi. Zuauthugente in gupna thumaan gen lo uh hi.
ATHUMNA AH, KAMSANG ZUAUTHEITE( ZUAU THUGENTE) NUNTAKZIA A TUAMPI(DIFFERENT CHARACTER)AHI HI.
Thuum taktakte nuntakzia pen upna, hoihna,pilna ciimna, pumpi kikhaalna, thuakzawhna, Pasian sutna, ki-it kikhualna tawh ki lang hi(1:5). Zuau thugen te ahih leh kiphatsakna in midangte neu-et uh hi. Amau up bang, a mau gamtat banga gamta lote piangthak lo, khamilo peuh ci-in neu et in gensia mawkmawk uh hi. A lungsim uh kihhuai in paktat nopna lungsim tawh kidim hi. Leitung mun tuamtuam ah ahi zongin, ei kiang nai ahi zongin, hih bang thugente numei pasal vai ah thanghuai nuam thei mahmah uh hi. Tua banah, leitung ci leh sa tawh kisai thute thupi sa in kha thupi koih lo uh hi. Pasian thupha pen sum leh paai, inn leh lo, kham leh ngun bek tawh teh uh hi. Tuma kum tampi lai a numei vai a minsia Jim Bakker bangin a ui-buuk ah aircon thuah helzen hi. Benny Hinn bang khual azin ciangin zankhat $15000 aman Hotel hoih mahmah te bek ah tung hi. A nuntakzia ngiat uh kineihna, kisialhna(Flamboyant) tam lua mahmah hi.
ALINA AH, KAMSANG ZUAUTHEITE MI ZOLZIA ATUAMPI(DIFFERENT APPEAL)AHI HI.
Thumaan gente in a kip akho kamsangte gen Pasian kammal tawh mizol hi(1:19). Thuzuau gente in ahawmpi, ci leh sa lunggulhna tungtawnin mizol uh hi(2:18). Tukum sunga taihinn lam nuam teng, mawtaw lei nuam teng cih peuh tawh mizol uh hi. Peter in kisialhna tawh thugen cilai hi. Apiang lo pipi ‘tua khua ah cina tuazah damsak ung, tua bang nalamdang sem ung’ peuh ci mawkmawk uh hi. Paul in hih mite thugen pen thumaan thutak hi loin bilthak khoihna hi na ci hi(2 Tim 2:5). Paul mah in hih mite in agilpi ua ding azonna in kam khumtawh mizol uh hi ci hi( Rom 16:18). Thugen siam in dangnal mahmah uh a, mite nuisak ziahziah uh hi. Khathu lunggulh lua lote in tua bangmite thugen zaknopsa in a nung zui uh hi. A biakpiaknate uh Pasian biakna tawh kibang lo in pawi bawlna, gualnop na peuh tawh kibang zaw hi.
ANGANA AH, ZUAU THUGENTE GAH A TUAMPI
(DIFFERENT FRUIT) AHI HI.
Thumaan gente gah in Zeisu theihsemsemna, Pasian sut semsem na a hi hi(1:3). Thuzuau gente in gah neilo hi(2:7). Tui omlo tuikhuk, huihpi in a mutmang meii tawh ki bang hi A thugente uh zaknop zawzen napi gah gahlo cihna hi Kikhop laitak dungdung dangdang sa in nop hethat zawzen napi anungah kilamdanna om loin a ngei a ngei cihna ahi hi.
AGUKNA AH, ZUAUGENTE TUN NADING MUN TUAMPI(DIFFERENT END) AHI HI.
Pasian thumaan gente ahih leh vantungah nasia takin kidawn ding hi(1:11). Pasian nasem taktakte thaman saan nading mun pen vantung ahi hi. Tuhun teh leitung a thaman saan ding ki lunggulh lua hi.Hauhna maan pen vantung sum kholna ahi hi. Zuau thugente ahih leh siatna mun tung ding hi( 2:1, 2:3). Hih pen gilpi khualna tawh piangthak lo a Pasian thu a mawk gengente acihna ahi hi. Nikhat niciangin siatna mun ahi, Hell tung veve ding hi. Piangthak a leitung vai hauh ding dam ding bek gena, a neite ahih leh asep thaman zang ding uh hi(1 Cor 3:12-15). Nungzui pi John in,’ Kha khempeuh um kei un. Khate in Pasian tawh kipawl hiam, kipawl lo hiam cih sittel un. Kamsang zuauthei leitungah tampi paikhia zo hi,’ Ci hi(1 John 4:1). Tua ahih manin thu kigen khempeuh hi sakpahpah luat ding zong hilo hi. Nungzuipi John mah in zuau thugente na inn uah lutsak kei un la zong zin do kei un. Inn sungah lutsak a zin na do uh leh ama zuau gamtatna ah a kihel na hi uh hi,’ ci hi( 2 John 10). Tua ahih manin, sanggamte, kha khempeuh um kei ni. Pasian min tawh zuauphuak tam lua ta hi. Khate in Pasian tawh kipawl hiam,kipawl lo hiam cih hoih tak sittel ni.
Thumaan gente gah in Zeisu theihsemsemna, Pasian sut semsem na a hi hi(1:3). Thuzuau gente in gah neilo hi(2:7). Tui omlo tuikhuk, huihpi in a mutmang meii tawh ki bang hi A thugente uh zaknop zawzen napi gah gahlo cihna hi Kikhop laitak dungdung dangdang sa in nop hethat zawzen napi anungah kilamdanna om loin a ngei a ngei cihna ahi hi.
AGUKNA AH, ZUAUGENTE TUN NADING MUN TUAMPI(DIFFERENT END) AHI HI.
Pasian thumaan gente ahih leh vantungah nasia takin kidawn ding hi(1:11). Pasian nasem taktakte thaman saan nading mun pen vantung ahi hi. Tuhun teh leitung a thaman saan ding ki lunggulh lua hi.Hauhna maan pen vantung sum kholna ahi hi. Zuau thugente ahih leh siatna mun tung ding hi( 2:1, 2:3). Hih pen gilpi khualna tawh piangthak lo a Pasian thu a mawk gengente acihna ahi hi. Nikhat niciangin siatna mun ahi, Hell tung veve ding hi. Piangthak a leitung vai hauh ding dam ding bek gena, a neite ahih leh asep thaman zang ding uh hi(1 Cor 3:12-15). Nungzui pi John in,’ Kha khempeuh um kei un. Khate in Pasian tawh kipawl hiam, kipawl lo hiam cih sittel un. Kamsang zuauthei leitungah tampi paikhia zo hi,’ Ci hi(1 John 4:1). Tua ahih manin thu kigen khempeuh hi sakpahpah luat ding zong hilo hi. Nungzuipi John mah in zuau thugente na inn uah lutsak kei un la zong zin do kei un. Inn sungah lutsak a zin na do uh leh ama zuau gamtatna ah a kihel na hi uh hi,’ ci hi( 2 John 10). Tua ahih manin, sanggamte, kha khempeuh um kei ni. Pasian min tawh zuauphuak tam lua ta hi. Khate in Pasian tawh kipawl hiam,kipawl lo hiam cih hoih tak sittel ni.
Comments